Qeveria e Maqedonisë do t’i ndajë ndihmë financiare në vlerë prej 5.000 euro familjes Zulbeari nga Tetova e cila dje në zjarrin që kaploi shtëpinë e tyre humbën jetën pesë anëtarë të kësaj familje, nëna dhe katër fëmijët e saj, përcjell Telegrafi Maqedoni.
“Të nxitur nga ngjarja tragjike në Tetovë, në të cilën familja Zulbeari nga zjarri që kaploi shtëpinë humbën jetën nëna dhe katër fëmijët e saj, që preku thellësisht gjithë njerëzit në Maqedoni, Qeveria e Republikës së Maqedonisë sot mbajti seancën 51 dhe morri vendim për ndarjen e ndihmës financiare”, thuhet në kumtesën e Qeverisë.
Nga Qeveria informojnë se krahas ndihmës financiare në vlerë prej 300.000 denarë për familjen Zulbeari, në këtë seancë është dakorduar të bëhet vizitë nga një delegacion i Qeverisë për të shprehur ngushëllimet e tyre për këtë tragjedi./Telegrafi/