Njësia e Task-Forcës Lindje (e përberë nga Dogana dhe Policia Kosovës) në zbatim të masave për parandalim dhe luftimin e paligjshmërisë dhe kontrabandës kanë intensifikuar kontrollet taktike dhe operacionale në zonën kufitare ndërmjet Kosovës dhe Serbisë.
Në njoftimin për media thuhet se në brezin kufitar që lidh fshatin Breznicë të Serbisë me fshatin Karaçevë të Poshtme të Kosovës nga njësitet e lartcekura është identifikuar automjeti transportues me targa vendore i cili vinte ilegalisht nga Serbia.
“Pas përcjelljes nga njësitet e lartcekur është arritur të ndalet, ndërsa gjatë kontrollit të automjetit i cili drejtohej nga shtetas kosovar është vërejtur se kishte të ngarkuar mallra të ndryshme ushqimore me vlerë rreth 2000 euro”, thuhet në njoftim.
Mallrat dhe automjetit janë sekuestruar dhe dërguar në terminalin doganor Dheu i Bardhë.
Rasti është duke u trajtuar nga njësitet relevante të Doganës së Kosovës. /Telegrafi/