Punonjësve të autoambulancave në Los Angeles, Kaliforni, u është thënë që të mos i transportojnë për në spital pacientët që i kanë gjasat shumë të vogla për mbijetesë, shkruan BBC.
Këto direktiva kanë ardhur pasi zyrtarët e këtij rajoni kanë njoftuar se vendi pritet të ballafaqohet me nga njëmijë vdekjeve nga COVID-19 brenda 24 orëve, dhe se spitalet tashmë janë të mbingarkuara, transmeton Telegrafi.
Punonjësve u është thënë të kursejnë bombolat me oksigjen, për shkak të furnizimeve më të dobëta që po ndodhin në vend për shkak të situatës kaotike me pandeminë e coronavirusit.
Në anën tjetër spitalet në Los Angeles tashmë janë pothuajse të mbingarkuara, dhe zyrtarët po frikësohen se mund të vie deri te një valë e madhe e pacientëve të rinj me COVID-19, të cilët kanë udhëtuar dhe festuar për festat e fundvitit.
Direktiva të njëjta kishin pasur edhe punonjësit e autoambulancave në New York gjatë prillit të vitit të kaluar, kur në këtë vend shpërtheu në masë të madhe pandemia e coronavirusit. /Telegrafi/