Në një aeroport të Missourit të Shteteve të Bashkuara, është shmangur një aksident që ka mundur të përfundoi me fatalitet, shkaku i një punonjësi që e voziti furgonin nëpër pistë.
E tëra që deshi ai, ishte të mos mungonte në një aheng me kolegë, duke rrezikuar t’i dilte përpara një aeroplani me 57 pasagjerë, që ishte duke u nisur, transmeton Telegrafi.
Pamjet rrëqethëse që mund t’i shihni më poshtë, e tregojnë momentin dramatik, kur furgoni largohet vetëm pak sekonda para se aeroplani të afrohej.
Nuk bëhet e ditur, nëse janë ndërmarrë masa ndaj këtij punonjësi, që për një aheng me grill, voziti pakujdesshëm në një zonë të rëndësishme. /Telegrafi/
