Policia e Kosovës ka njoftuar se ka arrestuar një person në Ferizaj, i dyshuar për veprën penale ‘trafikim me njerëz”.
Policia bën të ditur se i dyshuari kishte punësuar dy vajza të mitura, 13 dhe 15 vjeçare.
“Është arrestuar me 27.10.2021 i dyshuari mashkull kosovar, nën dyshimin se i njëjti ka kryer veprën e cekur, duke punësuar dhe strehuar dy viktimat femra kosovare njëra fëmijë (13-vjeçare) dhe tjetra e mitur (15-vjeçare)”, thuhet në njoftim.
Më tej, Policia njofton se me vendim të prokurorit, i dyshuari pas intervistimit është dërguar në mbajtje. /Telegrafi/