Sipas Ligjit për sigurinë dhe shëndetin në punë, të gjithë udhëtarët që janë lënduar në aksidentin me autobus në fshatin Llaskarcë, të cilët ishin në marrëdhënie pune dhe kanë udhëtuar për në shtëpitë e tyre, gjatë së cilës janë lënduar ose kanë humbur jetën në aksidentin tragjik, nevojitet që nga ana e punëdhënësit të raportohen në Inspektoratit Shtetëror të Punës si të aksidentuar në vendin e punës, thonë nga Shoqata e Maqedonisë për mbrojtje gjatë punës.
Ata paralajmërojnë se mosveprimi në këtë mënyrë është shkelje e ligjit dhe i nënshtrohet procedurës për kundërvajtje.
Me kërkesën e paraqitur nga ana e punëdhënësve, punonjësit e lënduar do të kenë të drejtën për këto mundësi ligjore:
Të kenë mundësinë që të marrin një shumë të plotë (100%) të pagës gjatë periudhës së shërimit. Mungesa në punë të shënohet si “i lënduar në punë”, dhe me këtë edhe në periudhën në vazhdim nëse paraqiten komplikime të caktuara. Pas kthimit në punë, punonjësit duhet të dërgohen në kontroll mjekësor, ndërsa me atë dhe të përcaktohet aftësia e tyre për punë./Telegrafi/