Christian Pulisic vazhdoi formën e tij mbresëlënëse të golave në nivel ndërkombëtar duke shënuar një gol mahnitës për SHBA-në kundër Gjermanisë.
Gjermania mposhti Shtetet e Bashkuara të Amerikës me rezultat 3-1 në ndeshjen e zhvilluar në “Rentschler Field”.
Golat për gjermanët u shënuan nga Ilkay Gundogan (39’), Niclas Fullkrug (58’) dhe Jamal Musiala (61’), ndërsa Pulisic (27’) shënoi për amerikanët.
Megjithatë, goli i parë i ndeshjes i shënuar nga ylli i Milanit, Pulisic, ishte më i mir dhe padyshim ‘vodhi’ gjithë vëmendjen.
Christian Pulisic with an absolute banger 🚀
Watch USA vs. Germany live on TNT or Max 📺 pic.twitter.com/G7t6KxLjFO
— B/R Football (@brfootball) October 14, 2023
Pasi mori topin në krahun e majtë, Pulisic u fut në mënyrë të mrekullueshme nga qendra, përpara se të godiste fortë nga distanca me këmbën e djathtë në këndin e sipërm të portierit Marc-Andre ter Stegen.
Goditja e fortë dhe e saktë e Pulisic nuk i dha asnjë mundësi portierit gjerman dhe tashmë ka pushtuar rrjetet sociale, me tifozët që po duartrokasin formën dhe golat e amerikanit. /Telegrafi/