Është kapur momenti kur kapiteni i Manchester United, Harry Maguire, duke i thënë David de Geas të “heshte” gjatë një shkëmbimi të tensionuar në ndeshjen e dytë të çerekfinales së Ligës së Evropës, aty ku pësuan humbje 3-0 nga Sevilla.
Si anglezi ashtu edhe spanjolli patën paraqitje katastrofike në Stadiumin Ramon Sanchez Pizjuan, ku gjashtë herë fituesit e Ligës së Evropës fituan melehtësi falëdy golave nga Youssef En-Nesyri dhe atij me kokë nga Loic Balde.
Goli i parë ishte një dhuratë absolute, pasi De Gea ia kaloi topin Maguires, i cili nuk ia doli ta kontrollonte mirë dhe u vu menjëherë nën presion.
Erik Lamela përfitoi nga ai gabim dhe më pas topi përfundoi te En-Nesyri , i cili shënoi me lehtësi në portën e De Geas.
Të dy u konsideruan fajtorë për atë gabim dhe një video e veçantë nga pjesa e parë tregoi një mosmarrëveshje të nxehtë mes dyshes.
De Gea u pa duke i bërtitur mbrojtësit, i cili u përgjigj me një veprim me dorë. Mund të kishte qenë që Maguire po kërkonte më shumë komunikim, por kjo po mirret në Angli si shenjë që gardiani të heshte. /Telegrafi/
Maguire telling de Gea to shut up, all hell lose…. Get this mf outta my Club pic.twitter.com/lcFCGXUQTM
— 𓃵 (@UtdProp) April 20, 2023