Tashmë Kosova ka mësuar kundërshtarët në kuadër të Ligës së Kombeve.
Përfaqësuesja jonë do të takohet në kuadër të kësaj gare me Maltën, Ishujt Faroe dhe Azerbajxhanin.
Pikërisht kundër kësaj të fundit, Kosova do të luajë ndeshjen e parë në këtë garë, e cila po mbahet për herë të parë në histori të futbollit.
Ndeshja mes përfaqësueses sonë dhe azerëve do të zhvillohet më 7 Shtator në ora 18:00.
Vetëm tri ditë më pas, Kosova do të zhvillojë ndeshjen kundër UIshujve Faroe, prej orës 20:45.
Kosova – Malta zhvillohet më 11 tetor ndërsa nuk është bërë e ditur ora e nisjes së ndeshjes.
Në ndeshjen e katërt, Kosova do të jetë mysafire e Ishujve Faroe më 14 Tetor.
Një muaj më pas, më 17 Nëntor Kosova udhëton në Maltë, kurse ndeshje e fundit e luan si vendas më 20 Nëntor ndaj Azerbejxhanit.
Kujtojmë se më 2 Shkurt, Kosova është dashur që ta zhvillojë një miqësore me Azerbajxhanin, por e cila tashmë është anuluar pas një marrëveshje dypalëshe. /Telegrafi/