Në faqen zyrtare kushtuar çmimit të madh individual, Topit të Artë, i cili do t’i ndahet futbollistit më të mirë në botë, është publikuar një video magjepsëse që tregon se si është bërë ky trofe prestigjioz.
‘Ballon d’Or’ ose i njohur si Topi i Artë është çmimi më prestigjioz i futbollit i dhënë nga revista franceze France Football. Fituesi i Topit të Artë është konsideruar si lojtari më i mirë në botë prej dekadash.
Të hënën na pret ndarja e re e Topit të Artë për sezonin e kaluar dhe Vinicius Junior i Real Madridit konsiderohet favoriti kryesor përpara Rodrit në garën e lojtarëve më të mirë në botë dhe sipas parashikimeve të shumta është braziliani ai që do ta marrë këtë çmim prestigjioz.
Teksa ceremonia e ndarjes së Topit të Artë po afrohet, në faqen zyrtare është publikuar një video magjepsëse që tregon se si bëhet ky trofe.
last details… 🪡✨ #ballondor pic.twitter.com/leOIStvuMM
— Ballon d’Or (@ballondor) October 22, 2024
Trofeu përbëhet nga dy panele që krijojnë formën e një topi futbolli, pas së cilës vizatohen shenja nga jashtë. Më pas ‘zhytet’ në ar dhe gdhendet logoja e “Topit të Artë”.
Detaji i fundit është një shtresë kristalesh piriti që i jep trofeut një pamje mahnitëse që aludon në një shkëmb më të vogël.
One last touch… ✍️ #ballondor pic.twitter.com/7UTtoAUNcK
— Ballon d’Or (@ballondor) October 23, 2024
Topi i artë peshon pak më shumë se shtatë kilogramë.
Çmimi u bë nga një ekip i argjendarit të famshëm francez Mellerio dits Meller, dhe krijimi i tij kërkon më shumë se 100 orë punë për të sjellë të gjitha detajet në perfeksion. Vlera e Topit të Artë është afërsisht 3000 euro. /Telegrafi/