Tashmë janë zbuluar disa detaje të vogla për edicionin e katërt të Big Brother VIP Albania.
Vetëm pak ditë më parë u bë e ditur se ky format i famshëm do të fillojë në muajin dhjetor.
E kësaj radhe ka qenë producentja Sara Hoxha që ka ndarë për herë të parë pamje të një pjese të shtëpisë.
Ata siç shihet po punojnë vazhdimisht për të bërë ndryshime në shtëpinë më të famshme në Shqipëri.
Deri më tani nuk ka ndonjë emër që po flitet si pjesë e këtij reality shou në këtë edicion.
Se kush do të hyjë sivjet dhe cilët do jenë personazhet publike, mbetet të shihet në vazhdim.
Theksojmë se vitin e kaluar fituese u shpall aktorja Egla Ceno. /Telegrafi/
