Një debat i ashpër ka shpërthyer mes dy banoreve të Big Brother VIP Kosova, Drenushës dhe Rovenës, duke tërhequr vëmendjen e publikut.
Përplasja mes tyre ka nisur nga një temë që është bërë gjithnjë e më e shpeshtë në shtëpinë e Big Brother, atë të patriotizmit, një çështje që ka shkaktuar diskutime të shumta mes banorëve.
Këtë herë, Drenusha ka shprehur mendimet e saj të forta në lidhje me karrierën muzikore të Rovenës, duke e akuzuar se ajo nuk ka mundur të bëjë sukses në Shqipëri dhe se pas dështimit atje, është kthyer në Kosovë për të provuar sërish.
Drenusha e ka cilësuar këtë veprim si një hap të paautentik dhe të pasinqertë, duke e akuzuar Rovenën për tentativë të përfitimit nga mundësitë që ofron Kosova.
Nga ana tjetër, Rovena është treguar e qetë dhe ka ruajtur një qëndrim të matur gjatë gjithë diskutimit, duke shpjeguar se është e falënderuese për mundësinë që ka pasur në Kosovë dhe se ndihet krenare që është pjesë e skenës muzikore kosovare.
Ky debat ka krijuar tension mes dy banoreve, të cilat deri më tani kishin pasur një marrëdhënie të mirë, por që tani janë në një distancë të dukshme. /Telegrafi/
