Douglas Costa do t’i mungojë Juventusit në ndeshjen kthyese të 1/8 së finales në Ligën e Kampionëve kundër Atletico Madridit.
Zonja e Vjetër është nikoqire e klubit spanjoll të martën mbrëma, pas humbjes prej 2-0 në ndeshjen e parë, ndërsa Massimiliano Allegri e ka konfirmuar skuadrën e plotë.
“Douglas Costa nuk do të luajë, sepse e ka lënduar sërish veten në stërvitje”, ka thënë Allegri për Sky Sport Italia.
Alex Sandro është i pezulluar, ndërsa Sami Khedira, Mattia De Sciglio dhe Juan Cuadrado janë të lënduar.
Skuadra e plotë e Juventusit:
Szczesny, Perin, Pinsoglio; Chiellini, Caceres, Bonucci, Joao Cancelo, Rugani, Spinazzola; Pjanic, Matuidi, Emre Can, Bentancur, Nicolussi Caviglia; Ronaldo, Dybala, Mandzukic, Kean, Bernardeschi.
/Telegrafi/
