Një grua është rrëmbyer mëngjesin e sotëm në Fushë Kosovë.
Kështu ka konfirmuar për Telegrafin, zëdhënësja e Policisë së Kosovës, Flora Ahmeti.
“Ju njoftojmë se Drejtoria Rajonale e Policisë në Prishtinë, posedon informatën së në Fushë Kosovë, dy persona të dyshuar kanë futur një grua me forcë në një veturë dhe janë larguar nga vendi i ngjarjes”, konfirmoi Ahmeti për Telegrafin.
Ahmeti theksoi se në koordinim me institucionet kompetente janë duke punuar me qëllim të sqarimit të çdo rrethane që lidhet me këtë ngjarje.
Ndryshe në pamjet e publikuar gruaja shihet teksa merret me dhunë nga dy persona, fillimisht ata bisedojnë me të dhe më pas ia mbyllin gojën dhe e fusin me forcë në veturë. /Telegrafi/
