Ky është momenti kur tre persona i vunë zjarrin një restoranti italian, ku shkaktuan dëme në vlerë prej rreth 31 mijë eurove.
Ata u panë duke buzëqeshur gjersa regjistronin momentin e vendosjes së zjarrit.
Pamjet e regjistruara nga kamerat e sigurisë u publikuan gjatë ditës së sotme, transmeton Telegrafi.
Në ato pamje shihen tre persona duke u ngjitur në kulmin e restorantit gjersa tërhiqnin edhe një copë pëlhure me të cilën edhe ndezën zjarrin.
Ndryshe, raportohet se u dogjën disa motorë, frigorifer dhe mobilie, duke shkaktuar dëme materiale në vlerë të rreth 31 mijë eurove në lokalin “Tosca”, i cili gjendet në Shoreham, Sussexin Perëndimor të Britanisë së Madhe. /Telegrafi/
