Një burrë që po mbante një thikë në dorë është qëlluar nga policia, pasi kishte shkelur me veturë pranë Parlamentit britanik më shumë se 12 këmbësorë të cilët ishin në urën e Westminister, shkruan Daily Mail.
Policia e ka cilësuar sulmin si sulm terrorist, pasi që më shumë se 12 persona janë goditur nga një veturë në pjesën qendrore të Londrës, transmeton Telegrafi.
Sipas dëshmitarëve okularë, personi që sulmoi theri me thikë një polic i cili po qëndronte pranë portës së Parlamentit britanik, ishte “i moshës së mesme me pamje sikur të ishte nga Azia”.
Pas alarmit për sulm pranë Parlamentit britanik, kryeministrja e këtij vendi Theresa May është futur me urgjencë në veturë nga një grup policësh të armatosur rëndë, të cilët e kanë larguar nga vendi ku është kryer krimi.
Pamjet e postuar më poshtë shfaqin imazhet e reja të lënduarve në urën e Westminster, të cilët ishin shkelur me një veturë 4×4.
Zyrtarë të lartë të Scotland Yard, kanë bërë të ditur se ky sulm vjen në ditën kur po kujtoheshin viktimat e sulmit në Bruksel që kishte ndodhur gjatë vitit të kaluar, ndërsa sulmin e kanë cilësuar si “incident terrorist”. /Telegrafi/
