Publikohen pamje të abuzimeve çnjerëzore që po ushtrojnë ushtarët izraelitë ndaj palestinezëve në Bregun Perëndimor

Dhjetëra fotografi dhe video janë shfaqur gjatë javës së kaluar, ku ushtarët izraelitë abuzojnë dhe poshtërojnë palestinezët e arrestuar në Bregun Perëndimor, shpesh me sy të lidhur dhe me pranga në duar.

Në një nga videot më brutale, e cila është e paqartë, ushtarët e IDF-së filmuan veten duke abuzuar me shtatë punëtorë të Bregut Perëndimor, të cilët u kapën duke u përpjekur të hynin në Izrael, në një zonë në jug të kodrave të Hebronit Jugor.

Lexo po ashtu Pamje shqetësuese nga Izraeli - një raketë fluturon dhe përplaset mes automjeteve, tymi mbulon gjithçka

Videoja tregon palestinezët të zhveshur ose gjysmë të zhveshur, me sy të lidhur dhe me pranga, duke bërtitur nga dhimbja. Njëri prej tyre po tërhiqet zvarrë në të gjithë vendin, shkruan Times of Israel.

Një pamje nga video tregon një ushtar duke vendosur çizmin e tij në kokën e një prej palestinezëve, ndërsa një tjetër i drejton një armë.

Në një tjetër skenë dhune të kapur nga kamera, një ushtar godet me shkelma në stomak një palestinez me sy të lidhur, më pas e pështyn dhe e fyen në arabisht.

Në përgjigje të provave, IDF tha se “sjellja e ushtarëve që dalin nga këto skena është serioze dhe në kundërshtim me vlerat e IDF. Ngjarja është nën hetim. Komandantët e IDF do të bisedojnë me të gjithë ushtarët në front. Një ushtar u pushua nga rezerva”.

Incidentet e abuzimit ndodhën në mes të tensioneve të përshkallëzuara në Bregun Perëndimor midis palestinezëve dhe forcave izraelite të sigurisë dhe kolonëve. Sipas burimeve të qeverisë palestineze, të paktën 122 palestinezë të Bregut Perëndimor janë vrarë që nga fillimi i luftës midis Hamasit dhe Izraelit më 7 tetor.

Lexo po ashtu ‘Dikush qau, një tjetër filloi të dridhej’: Reagimet e parlamentarëve izraelitë pasi shikuan “disa nga mizoritë e Hamasit më 7 tetor”

Shumica e viktimave u shkaktuan nga zjarri i IDF, ndërsa në disa raste palestinezët u vranë nga kolonët.

Aktivistët palestinezë dhe izraelitë raportuan gjithashtu se kolonët e armatosur të maskuar sulmuan civilët palestinezë në fshatrat Susiya dhe Umm al-Khair në të njëjtën zonë gjatë javës.

Në përgjigje të një hetimi nga The Times of Israel, IDF tha se nuk ishte thirrur për të ndërhyrë në Susia dhe për këtë arsye nuk kishte njohuri për ngjarjet. /Telegrafi/

https://twitter.com/kzxkzxkzxkzx/status/1719351372888387965