Paris Saint-Germaini është duke u angazhuar për transferimin e sulmuesit të Liverpoolit, Roberto Firmino – raporton BBC.
Redsat nuk planifikojnë ta shesin asnjërin prej lojtarëve kryesorë gjatë verës që vjen, mirëpo kampioni francez është duke përgatitur ofertë.
Pritet të jetë një verë e qetë për trajnerin Jurgen Klopp, i cili do të përqendrohet që të bëjë një ose dy shtesa gjatë afatit kalimtar.
Kujtojmë që Liverpooli dështoi ta fitonte titullin e Ligës Premier duke mbetur vetëm një pikë prapa Manchester Cityt.
Redsat kanë një mundësi të artë që ta fitojnë titullin kryesor evropian, Ligën e Kampionëve, nëse e mposhtin Tottenham Hotspurin në finalen e 1 qershorit. /Telegrafi/