Paris Saint-Germain raportohet se do të bëjë ofertë për Paul Pogban në çastet e fundit, nëse Kylian Mbappe i bashkohet Real Madridit.
Klubi i Ligue 1 po refuzon të shesë sulmuesin francez në këtë afat, mirëpo është dëshira e këtij të fundit që të kalojë te Los Blancos.
Një ofertë rreth 160 milionë euro është bërë nga Real Madridi për fituesin e Kupës së Botës, mirëpo ajo është refuzuar nga PSG.
Por, mediat angleze raportojnë se nëse Mbappe e kompleton kalimin te skuadra spanjolle në këtë javë, atëherë ata do të nxitojnë me një ofertë të majme për Pogban.
Mesfushori francez thuhet se është i gatshëm që të largohet nga Manchester United dhe po e shikon mundësin e kalimit në Parkun e Princave.
Kontrata e Pogbas te Djajtë e Kuq skadon në vitin e ardhshëm, andaj kalimi i tij te PSG do të ishte i mundur, nëse bën kërkesë për largim te klubi i Ligës Premier. /Telegrafi/