Sipas raporteve të Fichajes, Paris Saint-Germain (PSG) po përgatitet të paraqesë një ofertë fillestare prej 100 milionë eurosh për anësorin e Real Madridit, Rodrygo.
Klubi francez, i cili ende po kërkon të zëvendësojë Kylian Mbappen, e ka bërë sulmuesin brazilian 24-vjeçar një nga objektivat e tyre kryesore.
Rodrygo aktualisht ka një klauzolë lirimi prej 1 miliard euro me Real Madridin, por PSG beson se një ofertë fillestare prej 100 milionë eurosh mund të hapë derën për negociata.
Brazilianci është një nga lojtarët kyç të skuadrës së Madridit, dhe këtë sezon ka shënuar 10 gola dhe ka dhënë 7 asistime në 27 ndeshje.
Megjithatë, Real Madridi nuk ka ndër mend të shesë Rodrygon, pasi ai është pjesë e planit të tyre afatgjatë.
PSG do të duhet të ofrojë një shumë shumë më të lartë për të bindur Madridin të heqë dorë nga një nga yjet e tyre më të premtuar.
Nëse transferimi do të realizohet, ai do të ishte një nga transferimet më të mëdha të vitit 2025, megjithatë për brazilianin interesim ka shfaqur edhe Al Hilal. /Telegrafi/