Paris Saint-Germain mund të ofrojë 30 milionë euro plus Adrien Rabiot për të nënshkruar me mesfushorin e Juventusit, Miralem Pjanic.
Mesfushori boshnjak është duke u kërkuar nga një numër i madh klubesh në të gjithë Evropën, me Manchester Cityn që thuhet se kryeson garën.
Sipas mediumit italian Premium Sport, PSG është futur furishëm në garë dhe është gati të lansojë ofertën drejt Juventusit.
PSG thuhet se po peshon një ofertë prej 30 milionë eurosh, e cila gjithashtu do të përfshinte plus shërbimet e Rabiotit.
Bardhezinjtë janë admirues afatgjatë të reprezentuesit francezë, por nuk mendohet se kjo ofertë do t’i bindë ata.
Rabioti është jashtë kontratës më 30 qershor të vitit 2019, kështu që Juventusi do të kërkojë më shumë se 30 milionë euro për të liruar Pjanicin.
Mesfushori francez është lidhur edhe me Arsenalin dhe Barcelonën. /Telegrafi/