Donny Van de Beek është njëri nga futbollistët më meritor për sukseset e Ajaxit këtë edicion.
Mesfushori që shënoi golin e vetëm në gjysmëfinalen e parë ndaj Tottenham, ka shkëlqyer me fanellën kuqebardh.
Falë formës së shkëlqyer këtë edicion, shumë skuadra të mëdha evropiane kanë shprehur interesim për të.
Televizioni francez Canal + ka raportuar gjatë ditës së sotme se Paris Saint Germain tanimë ka bërë ofertën e parë për lojtarin.
Kampionët e Ligue 1 kanë ofruar 50 milionë euro te Ajaxi për yllin holandez.
Ende nuk ka një përgjigje zyrtare nga Ajax që po e shqyrton ofertën e parisienëve.
Interesim për mesfushorin ofensivë kanë shprehur edhe Roma, Borussia Dortmund, Milan dhe Arsenal. /Telegrafi/