Klubi francez, Paris Saint-Germain vazhdon ta ketë objektiv të madh mesfushorin e Manchester Unitedit, Paul Pogba.
PSG ka vazhduar me përforcime këtë verë, pasi pas Georginio Wijnaldum dhe Achraf Hakimi, kanë konfirmuar edhe Sergio Ramosin.
Megjithatë, transferimet e verës për klubin nga Parc des Princes nuk pritet të ndalen me këto tri marrëveshje.
Portieri Gianluigi Donnarumma thuhet se është afër të konfirmohet si lojtar i ri, ndërsa thuhet se interesimi vazhdon edhe për mesfushorin Pogba.
Sipas gazetës franceze L’Equipe, Paris Saint-Germain po refuzon të heqë dorë nga vendosja e një marrëveshjeje për Pogban këtë verë.
PSG 'contemplating' €50m approach for Paul Pogba #mufc https://t.co/mZ8qMTA4Z6 pic.twitter.com/M7J8a5HgpA
— Man United News (@ManUtdMEN) July 7, 2021
Përfaqësuesi i Francës ka hyrë në vitin e fundit të kontratës së tij në Manchester United dhe mund t’i ofrohet një rrugë për në atdheun e tij.
Për lojtarin interesim kanë shprehur edhe Real Madridi dhe Juventusi. /Telegrafi/