Drejtori i Paris Saint-Germain, Leonardo, është i vendosur të nënshkruajë një mesfushor të Serie A, me Ismael Bennacer, Sergej Milinkovic-Savic dhe Lorenzo Pellegrini si tri opsionet kryesore.
Sipas mediumit francez le10sport.com, PSG po përqendron vëmendjen e tyre në Alpe drejt ligës italiane për përforcimet e tyre verore.
Mesfushori i Milanit, Bennacer, është zgjedhja e parë, por kuqezinjtë nuk do të dëgjojnë oferta nën 30 milionë euro.
Milinkovic-Savic i Lazios është gjithashtu në shënjestër, por ka konkurrencë edhe nga Real Madrid, Manchester United, Juventus dhe Inter, ndërsa do të kushtonte të paktën 100 milionë euro.
Sa i përket Pellegrini, shkathtësia e tij po e bën atë një figurë të vlefshme në tregun e transferimeve, si dhe moshën e tij, duke marrë parasysh që ai mbush 24 vjeç muajin tjetër.
Ekziston një klauzolë lirimi prej 30 milionë euro në kontratën e Pellegrinit me Romën, e cila zgjat deri në qershor 2022.
Mediumit francez shton se njëri nga lojtarët pritet medoemos të zbarkojë në Parc des Princes. /Telegrafi/