Sipas raportimeve të fundit, Paris Saint-Germain është duke menduar për vazhdimin e kontratës së Lionel Messit përtej fundit të sezonit.
Fituesit të Kupës së Botës, marrëveshja e të cilit në Parc de Princes do të skadojë këtë verë, ka tërhequr shumë interes në mes të pasigurisë së tij kontraktuale në Paris, me Al-Hilal, Inter Miami dhe ish-klubin, Barcelona që synojnë transferimin e 35-vjeçar.
Një klauzolë në kontratën e Messit thotë se ai mund të zgjasë marrëveshjen e tij aktuale për një vit shtesë nëse të dyja palët bien dakord.
PSG dhe Messi arritën një marrëveshje parimore gjatë Botërorit për të aktivizuar këtë klauzolë, por gjigantët e Ligue 1 tani besohet se e kanë braktisur idenë.
Tifozët e PSG janë të ndarë në dy kampe nëse Messi duhet të jetë në Parc de Princes sezonin e ardhshëm dhe, sipas L’Equipe, ky po shihet si një faktor kryesor në vendimin e bordit.
Të etur për të evoluar si një klub futbolli, skuadra franceze po merr gjithashtu parasysh moshën dhe pagën e Messit, të vetëdijshëm se qëllimi afatgjatë është ndërtimi i skuadrës përreth Kylian Mbappes. /Telegrafi/