Paris Saint-Germaini ka marrë pikë të plota përballë Montpellier (3-1) në Stade de la Mosson për ndeshjen e xhiros së 21-të në Ligue 1.
Kylian Mbappe e humbi dy herë penalltinë e njëjtë në pjesën e parë dhe më pas dështoi të shënonte edhe nga topi i kthyer. Mbrëmja e keqe nuk mbaroi me kaq për francezin, i cili u detyrua ta lëshonte fushën (21’) për shkak të lëndimit.
Në minutën e 35-të, Lionel Messi ia doli ta fuste topin në rrjetë, mirëpo goli u anulua për pozitë jashtë loje.
E njëjta gjë ndodhi edhe në fillim të gjysmës së dytë (52’) me golin e Achraf Hakimit që pas konsultimit të VAR-it u anulua për pozitë jashtë loje.
Më në fund rezultati u zhbllokua në minutën e 55-të me golin e Fabian Ruiz, i cili u asistua nga Hugo Ekitike.
Golin e sigurisë e realizoi Lionel Messi (72’) që doli i vetëm para portierit falë asistimit nga Ruiz dhe u tregua i saktë.
Një gol për vendasit e realizoi Arnaud Nordin (89’) në fund të ndeshjes falë asistimit nga Stephy Mavididi, mirëpo Warren Zaire-Emery reagoi për ta shënuar edhe golin e tertë të parisienëve (90’+3).
Pas këtij triumfi, Paris Saint-Germaini ka krijuar diferencë prej pesë pikësh nga përcjellësi i parë që tash është Marseille. /Telegrafi/
Fabian Ruiz’s GOAL 🇪🇸⚽️
Finally 1-0
— PSG Report (@PSG_Report) February 1, 2023
LIONEL MESSI WHAT A GOAL!#MHSCPSG
— Reyi (@Reinaldodcg9) February 1, 2023
🚨 What a pass from Fabián Ruiz 🎯🤯 to set up leo Messi's goal 🤩#MHSCPSG pic.twitter.com/L85KREaicA
— AFRO_BALLERZ (@Afro_ballerz) February 1, 2023
Lionel Messi's goal for PSG against Montpellier.
PSG are up 2 – 0.
watch the match live on the link in our biopic.twitter.com/13gQtKTioV
— Wilnyaf Football Center (@WilnyafCenter) February 1, 2023