PSG ka rezervuar Kullën Eiffel, mësohet data e prezantimit të Messit?

Paris Saint-Germain thuhet se ka rezervuar Kullën Eifel dhe kjo thuhet se po lidhet me prezantimin e transferimit të madh të Lionel Messit.

Kur PSG theu rekordin botëror të transferimeve për të nënshkruar me Neymar nga Barcelona në vitin 2017, ata e prezantuan me stil yllin brazilian.

Drejtuesit e klubit brazilian thuhet se rezervuan për rreth 300 mijë euro Kullën Eifel dhe shkruan emrin e Neymarit aty, si prezantim i transferimit të ri.

Lexo po ashtu “Fjalë, tensione dhe akuza”, zbulohet e gjithë historia se si u prish marrëveshja mes Messit dhe Barcelonës

Tani, duket sikur një transferim tjetër i madh mund të vendoset për një natë tjetër në monumentin më ikonik të Parisit, me nënshkrimin e Lionel Messit.

Sipas gazetarit të rrjetit televiziv ESPN, Diego Monroig, PSG ka rezervuar përsëri Kullën Eifel për të martën e 10 gushtit.

Natyrisht, kjo ka çuar në histori që sugjerojnë se zbulimi apo prezantimi i Messit do të bëhet në kryeqytetin francez pikërisht me këtë datë.

Lexo po ashtu Katër formacionet e mundshme që PSG mund të luajë me Messin në skuadër, secili më i frikshëm se tjetri

Transferimi i Messit kishte ngritur pyetje në lidhje me realizueshmërinë e marrëveshjes nëse PSG po planifikonte të pajtohej me Fair Play Financiar.

Megjithatë, për shkak të pandemisë, kufizimet janë lehtësuar dhe nuk do të pengojnë kalimin e nënshkrimit dhe Messi shpejt pritet të konfirmohet si lojtar i ri i PSG. /Telegrafi/