Paris Saint Germaini thuhet se është i gatshëm që ta lejojë largimin e Neymarit në drejtim të Barcelonës, por ka kërkuar në marrëveshje edhe shërbimet e Clement Lenglet.
Kampioni i Ligue 1 tashmë është njoftuar me dëshirën e sulmuesit brazilian që të largohet nga Parku i Princave, dy vite pasi e kompletoi kalimin nga skuadra katalunase për shumën rekorde 222 milionë eurosh.
Mirëpo, për ta lënë 27-vjeçarin që të rikthehet në Camp Nou, parisienët janë duke kërkuar hiç më pak se 250 milionë euro.
Sport raporton se PSG është e gatshme ta pranojë shitjen e Neymarit, por kërkon që në marrëveshje të përfshihen shërbimet e 24-vjeçarit.
Barcelona e transferoi mbrojtësit francez nga Sevilla për 35 milionë euro, i cili në sezonin e kaluar ka bërë 23 paraqitje.
Blaugranët mund ta pranojnë me lehtësi që në marrëveshje ta përfshijnë Lengletin dhe t’i ofrojnë 100 milionë euro për shërbimet e brazilianit. /Telegrafi/