Klubi francez, Paris Saint-Germain ka konfirmuar se ylli argjentinas, Lionel Messi, do t’i mungojë edhe në ndeshjen e ardhme në Ligue 1 shkaku i lëndimit.
PSG është nikoqir i Montpellierit në ndeshjen e javës së tetë e cila zhvillohet të shtunën në stadiumin Parc des Princes me fillim nga ora 21:00.
Kryeqytetasit edhe në këtë ndeshje do të kenë disa mungesa të theksuara, ku njëra nga më kryesoret është ajo e Messit.
Është vet klubi francez që ka konfirmuar mungesën e argjentinasit në ndeshjen e së shtunës ndaj Montpellierit.
Medical update ahead of Paris Saint-Germain-Montpellier #PSGMHSC@Aspetar
— Paris Saint-Germain (@PSG_English) September 24, 2021
“Leo Messi filloi të vraponte përsëri sot në përputhje me protokollin e tij të trajtimit”.
“Një kontroll përditësimi është planifikuar për të dielën”, thuhet në njoftimin e PSG-së.
PSG tutje ka konfirmuar se Marco Verrati do t’i fillojë stërvitjet me skuadrën javën e ardhshme, ndërsa Sergio Ramos dhe Ismael Ghabry po vazhdojnë përgatitjet individuale. /Telegrafi/