Paris Saint-Germain ka hyrë në betejën e shumë skuadrave për sulmuesin e Real Madridit, Alvaro Morata.
Pas dështimit të transferimit të javës së kaluar në Manchester United, Morata mbetet i etur për të gjetur një klub të ri këtë verë.
Presidenti i Realit, Florentino Perez thuhet se ka ofruar sulmuesin te Chelsea në ditët e fundit, ndërsa sipas mediumi Don Balon, PSG tani janë në kontakt për shërbimet e tij.
Dhe ndryshe nga Unitedi, parisianët janë të gatshëm të përmbushin çmimin e kërkuar nga Perez për reprezentuesin e Spanjës.
Florentino po kërkon 80 milionë euro për të shitur Moratën – një shifër që PSG nuk do të kishte asnjë problem ta paguante.
Chelsea mbetet një opsion, siç mbetet edhe ish-klubi i tij, Juventusi, edhe pse ata refuzojnë të përmbushin çmimin e kërkuar nga Reali. /Telegrafi/