Kampionët e Francës, Paris Saint Germain janë futur fuqishëm në garë për sulmuesin Alexandre Lacazette.
Sulmuesi i rrezikshëm i Lyonit, ka paralajmëruar largimin nga skuadra aktuale dhe në drejtim të tij kanë ardhur disa oferta.
Arsenali dukej favoritë për të nënshkruar me francezin, por tani londinezët janë mbrapa PSG-së në garë për Lacazetten.
Sipas mediave në Francë, drejtori sportiv i ri i PSG-së, Patrick Kluivert ka filluar bisedimet me Lyonin dhe agjentin e lojtarit.
Lojtarit iu është ofruar një kontratë pesë vjeçare me një pagë prej pesë milionë euro në vit.
Ndërkohë Lyon ka bërë të qartë se pa 40 milionë euro nuk e lë të lirë të largohet Lacazette. /Telegrafi/