Telefonat celularë janë një burim i pashtershëm argëtimi, por nëse nuk shkëputeni nga pajisja juaj edhe kur shkoni në shtrat, kjo mund të krijojë probleme të caktuara.
Një studim i kohëve të fundit tregoi se 90% e amerikanëve përdorin një pajisje elektronike (TV, telefon, kompjuter, tastiera të lojërave video, etj.) para se të shkojnë për të fjetur.
Problemi është se nëse përdorni telefonin para gjumit, trupi dhe truri juaj nuk kanë kohë të mjaftueshme për t’u çlodhur. Gjithashtu, nëse luani lojëra video, lehtë mund të humbni kohën dhe të bini në gjumë më vonë sesa duhet.
Është më mirë ta mbani telefonin tuaj në një dhomë tjetër, jo në atë ku flini. Në atë mënyrë, edhe nëse ju vjen dëshira për ta përdorur, do të jetë më e vështirë ta bësh veten të ngrihesh dhe të shkosh tek ai, transmeton Telegrafi.
Shkakton një cikël të shqetësuar gjumi
Duke mos përdorur telefonin para se të shkoni në shtrat, ju do të zvogëloni ekspozimin ndaj “dritës blu”, e cila mund të prishë seriozisht ritmin tuaj të gjumit. Drita blu, në thelb, i jep trurit tuaj një sinjal të rremë se është ende ditë jashtë, duke zvogëluar kështu sekretimin e melatoninës.
Si në rastin e mëparshëm, është më mirë të ndaloni përdorimin e telefonit një orë para se të shkoni në shtrat.
Një këshillë e vogël për sonte
Nëse dëshironi të përmirësoni gjumin tuaj, këtu është një truk i thjeshtë – lini telefonin tuaj celular në një dhomë tjetër. Nëse keni nevojë për të sepse ju zgjon në mëngjes me një alarm, mbajeni të paktën një metër larg vendit ku flini.
Në këtë mënyrë mund të vrisni dy ‘miza me një goditje’. Së pari, telefoni juaj do të jetë larg, gjë që ju bën më pak të ngjarë ta përdorni, dhe së dyti, në rast alarmi, do të duhet të ngriheni, kështu që zgjimi do të jetë më efikas. /Telegrafi/