Kylian Mbappe nuk do të dëshironte të shpallte publikisht dëshirën e tij për t’u larguar nga Paris Saint-Germain, sipas asaj që raporton gazetari Ramon Alvarez de Mon.
Francezi dëshiron të marrë bonusin e tij të besnikërisë prej 90 milionë euro në PSG në shtator.
Një deklaratë publike për dëshirën e tij për t’u larguar do të nënkuptonte se klubi nuk do të jetë më i detyruar ta paguajë atë – thjesht sepse lojtari nuk është ‘besnik’ gjatë kohës që është nën kontratë.
Marrëveshja aktuale e Mbappes me parisienët skadon në vitin 2024. Sulmuesi pritet të qëndrojë për sezonin e fundit përpara se t’i bashkohet Real Madridit si lojtar i lirë.
Thuhet se Los Blancos nuk planifikojnë të nënshkruajnë më sulmues këtë verë.
Ata janë të etur të kursejnë para dhe të presin para se fituesi i Kupës së Botës t’u bashkohet falas. /Telegrafi/