Policia është dashur të intervenonte, për të ndarë protestuesit që u pëleshën me përkrahësist e presidentit Donald Trump, të mbledhur para Pallatit Buckingham në Londër.
Reagimet kane qenë në ndryshme, në ditën kur presidenti i Shteteve të Bashkuara filloi vizitën treditore në Britani të Madhe, me një pritje nga Familja Mbretërore, transmeton Telegrafi.
Qindra mijëra demonstrues kanë paraljamëruar se do të dalin rrugëve, ndërsa pritet që në ajër të lëshohet edhe tullumbacja që e tregon presidentin Trump si një bebe dhe një tjetër që e shfaqë atë ulun në guskën e artë të tualetit.
Gjatë protestave të sotme, ata janë mbështetur nga lideri i laburistëve Jeremy Corbyn dhe kryetari i Londrës Sadiq Khan.
Gjatë ditës së nesërme, më se 250 mijë të pakënaqur me vizitën e tij, do të dalin sërish në rrugë. Protesta paralajmërohen edhe në Leeds, Newcastle, Manchester dhe Birmingham.
Shumë përkrahës të presidentit amerikan, janë pëleshur me protestuesit, meqenëse i pëlqejnë politikat e Trump dhe dëshirojnë lidhje më të mëdha me Shtetet e Bashkuara.
Në ditën e tretë të vizitës, Trump do të takohet me Theresa May, në ditët e saj të fundit si kryeministre. /Telegrafi/
