Reperi i njohur shqiptar, Arkimed Lushaj-Stresi, ka qenë i pranishëm edhe ditën e sotme (e shtunë) në protestën që u mbajt para selisë së PD-së.
Duke qenë se është mjaft aktiv në rrjete sociale, ai ka publikuar një video nga një furgon policie ndërkohë që i ka bërë apel edhe mediave.
“Nëse e kam gjuajtur një gur keni të drejtë të veproni por jo”, ka thënë artisti shqiptar.
“Unë duhet të shoqërohem gjithmonë pa bërë gjë?”, vazhdon më tej 35-vjeçari, i cili duket se u shoqërua gjatë tensioneve të sotme në Partinë Demokratike.
Krijuesi i hitit “Po foli i fundit” tanimë dihet se është një mbështetës i madh i Sali Berishës.
Ish-kryeministri Berisha ka mbyllur protestën e sotme duke kërkuar shpërndarjen e mbështetësve.
“Kjo faktoj në mënyrë përfundimtare se Edi Rama mban peng Lul Bravën dhe bashkë me të, me dhunë dhe terror, shtëpinë e PD-së. Ky përbën një akt të pashembullt në 30 vite. Përpjekjet për shndërruar në shtëpi lirie PD-në do të vazhdojnë deri në arritjen e plotë të qëllimit. Sot ne do të shpërndahemi “, tha Berisha. /Telegrafi/
