Dhjetëra mijëra njerëz kanë protestuar sot në Londër dhe në qytete tjera të Mbretërisë së Bashkuar kundër urdhëresës ekzekutive të Presidentit të Shteteve të Bashkuara të Amerikës Donald Trump, i cili ua ndalon hyrjen në SHBA refugjatëve nga shtet me popullsi myslimane.
Siç raportojnë mediat britanike, protestuesit bënin thirrje kundër vendimit të Trumpit dhe mbanin pankarta ku shkruante “Jo racizmit”, “Unë e mbështes myslimanët” dhe thirrje tjera kundër Trumpit.
Protesta ka pasur edhe në SHBA dhe vende tjera të botës. Po ashtu në SHBA ka pasur protesta edhe kundër thirrjes së Trumpit për ndërtimin e murit me Meksikën.