Oleksandr Usyk ka arritur të mbrojë statusin e kampionit të kategorive të lehta pas triumfit ndaj Tony Bellewit në Manchester.
Ai ka mbajtur për vete katër titujt të unifikuar pas një nokauti në raundin e tetë të ndeshjes.
Pas luftës, Bellew tha se Usyk është boksieri më i mirë me të cilin ishte ndeshur deri më tani dhe të gjithë tani flasin se ukrainasi mund ta ketë një kundërshtar më të vështirë.
Ndoshta vitin e ardhshëm ai do të ketë mundësinë që të ballafaqohet me kampionin e peshave të rënda, Anthony Joshua.
“Joshua ishte i intriguar me Usyk. Mendoj se do të donte shumë që të luftonte me atë. Ai është një djalë që dëshiron të ballafaqohet me të gjithë ata që janë në nivele të larta. Evander Holyfield ka dëpshmuar se mund të ballafaqohesh me një person që është më i madh se ti”, komentoi promotor britanik, Eddie Hearn.
“Kjo do të jetë një shpatë e madhe, por ju i keni parë edhe deklaratat e Usykovit se është i vetëdijshëm se sa e vështirë është të takohesh me një të kategorisë më të rëndë. Pra, nuk është që jam duke e menduar seriozisht këtë, por mendoj se Usyk fillimisht duhet të jetë i përgatitur mirë. Ju duhet të keni dy takimet të tjera me peshat e rënda para se të jeni gati për Joshuan. Por kur vjen koha, Anthony nuk do ta ketë vështirësi ta pranoj sfidën”, tha Hearn.
Ndryshe, boksieri 31-vjeçar ukrainas deri më tani ka 16 fitore në po aq ndeshje, 12 prej të cilave janë me nokaut. /Telegrafi/