Prokuroria Speciale e Kosovës ka hedhur poshtë kallëzimin penal të ushtruar nga deputeti i VV-së, Sami Kurteshi ndaj presidentit Hashim Thaçi “për tradhti kombëtare”.
Deputeti Kurteshi pretendonte se me nënshkrimin e marrëveshjes për demarkacionin në mes Kosovës dhe Malit të Zi, mes Thaçit dhe ministrit të Jashtëm malazez Igor Luksiq, Thaçi kishte kryer tradhti ndaj vendit.
Në aktvendimin e Prokurorisë të cilin e ka siguruar Telegrafi, shkruan se ” pretendimet nga kallëzimi penal kundër Hashim Thaçi President i Republikës së Kosovës se ka kryer veprën penale nga neni 124 par.2 lidhur me nenin 120 pika 25,26 dhe 27 të KPRK-së nuk mund të qëndrojnë ngase nuk kemi të bëjmë me asnjë veprim të kundërligjshëm nga ana e Presidentit të Kosovës Hashim Thaçi pasi i njëjti marrëveshjen për kufirin shtetëror ndërmjet Republikës së Kosovës dhe Malit të Zi të nënshkruar me datën 26.08.2015 në Vjenë e ka nënshkruar në cilësinë e Zëvendës Kryeministrit të Republikës së Kosovës dhe Ministrit të Punëve të jashtme”.
Më poshtë Telegrafi ju sjell aktvendimin e plotë të KPRK-së. /Telegrafi/
