U.D., i kryeprokurorit të Shtetit, Besim Kelmendi, me anë të një letre zyrtare dërguar Presidentit të Eurojust-it, Ladislav Hamran, në koordinim me kryeprokurorin e Prokurorisë Speciale, Blerim Isufaj, ka nominuar prokurorin ndërlidhës të përhershëm me Eurojust-in.
Po ashtu është nominuar edhe një prokuror si pikë kontakti lidhur me implementimin e projektit “WB CRIM JUST”, i cili do të fillojë të zbatohet në Ballkanin Perëndimor nga Eurojust, në kuadër të programit IPA III.
Siç njoftohet, vendosja e këtij bashkëpunimi zyrtar ndërmjet institucionit të Prokurorit të Shtetit dhe Eurojust-it, përbënë një moment të rëndësishëm të ndërtimit të raporteve të ndërsjella.
“Ky bashkëpunim që do të nxisë forcimin e bashkëpunimit juridik ndërkombëtar si dhe do të lehtësojë ndihmën ligjore në çështjet penale, veçanërisht në luftën kundër krimit të organizuar dhe krimeve tjera transnacionale”, theksohet në fund, transmeton Telegrafi.