Prokurori i Shtetit njofton opinionin se gjatë 24 orëve të fundit nga prokuroritë themelore janë ndaluar për 48 orë shtatë persona, si dhe janë bërë tre kërkesa për caktimin e paraburgimit të katër personave, të dyshuar se kanë kryer vepra të ndryshme penale.
Prokuroria Themelore në Prishtinë, gjatë 24 orëve të fundit, ka ndaluar shtatë persona të dyshuar.
Prokuroria Themelore në Prizren, gjatë 24 orëve të fundit ka bërë një kërkesë për ndalimin e një personi, të dyshuar për kryerjen një vepre penale, të përcaktuara në Kodin Penal të Republikës së Kosovës (KPRK).
Prokuroria Themelore në Pejë, gjatë 24 orëve të fundit ka ndaluar dy persona të dyshuar për vepra të ndryshme penale.
Me aktvendim të prokurorit të shtetit të dyshuar janë dërguar në ndalim 48 orësh.
Prokuroria Themelore në Gjilan, ka paraqitur një (1) kërkesë për caktimin e masës së paraburgimit, ndaj dy personave të dyshuar.
Prokuroria Themelore në Gjakovë, gjatë 24 orëve të fundit, me urdhër të prokurorit kujdestar, janë ndaluar dy persona të dyshuar, në kohëzgjatje prej 48 orësh.
Brenda 24 orëve Prokuroria Themelore në Mitrovicë, gjatë 24 orëve të fundit ka ndaluar tre persona për vepra të ndryshme penale, si dhe ka bërë një kërkesë për caktimin e paraburgimit për një person, për shkak të veprës penale ”Dhunë në familje”. /Telegrafi/
