Projekt për rikualifikim të kuadrove në të cilin mund të përfshihen të punësuar dhe të papunë deri në 35 vjeç të cilët nuk kanë paranjohuri të TI-së, do të realizojë Oda ekonomike për teknologji informatike dhe komunikuese – MASIT në bashkëpunim me Sivus Qendrën Edukative dhe Zhvillimore dhe USAID/REG, përcjell Telegrafi Maqedoni.
Qëllimi përfundimtar është që pjesëmarrësit në projekt të fitojnë aftësi të TI-së në njërën nga dy trajnimet e parapara: Front-end web developer dhe NET developer, të cilët më voni do t’i shfrytëzonin në punësimin e tyre të ardhshëm, njofton AIM.
“Pas analizës së realizuar midis anëtareve – kompanive të MASIT-it, që tregoi deficit të këtij profili punues, menjëherë i jemi qasur organizimit të këtij lloji trajnimi. Posaçërisht është e rëndësishme ajo që pas përfundimit të trajnimit pjesëmarrësit të cilët me sukses do ta realizojnë do të fitojnë mundësi për praktikë në ndonjërën nga TI kompanitë. Qëllimi përfundimtar është punësimi i kandidatëve potencial”, njoftoi MASIT. /Telegrafi/