Këngëtari i cili me muzikën e tij ka sjell këngët më të bukura alternative. Shpesh solo, por edhe në bashkëpunim, ai është nominuar me çmime Platinum dhe Grammy.
Jeta e tij personale, mendimet mbi muzikën e vërtet, projektet e tij si dhe lidhja që kishte me aktore dhe këngëtare të shumta, padyshim që janë çdoherë pjesë e mediave rozë.
Lideri i grupit Coldplay, Chris Martin u lind më 02 mars të vitit 1977 në Devon të Anglisë. Ai ka ndjekur universitetin në Londër ku është njohur me Will Champion, Guy Berryman dhe Johnny Buckland, më të cilët më vonë do bashkëpunonte për të krijuar bendin e njohur Coldplay. Me Chris Martin si lider i grupit, kitarist dhe pianist i talentuar, debutimi i parë i tyre ishte Parachutes, me të cilin arriti mbi 5 milion kopje të shitura dhe fitoi një çmim Grammy e më pas një tjetër të tillë.
Në moshë të re, ai krijoi bendin e tij të parë, The Rocking Honkies. Në vitin 1996, kjo katërshe e formoi bendin, i njohur atëkohë si Pectoralz, më vonë në Starfish, për të gjetur emrin adekuat Coldplay, i cili u ishte ofruar nga një bend që nuk e donte këtë emër më. Që nga lansimi i albumit të tyre të parë në vitin 2000 – Parachutes, ky bend është njohur ndërkombëtarisht për këngët dhe suksesin që arrinte.
Pas 10 vjet martesë me 2 fëmijë të mitur, Chris Martin dhe Gwyneth Paltrow. Në vitin 2015, aktorja Gwyneth është ndarë nga Martin, ndërsa lajmi është bërë publik nga vetë fituesja e çmimit Oscar që shkroi “Me trishtim të madh kemi vendosur të ndahemi.” Sipas tyre kanë kaluar më shumë se një vit duke u përpjekur të shpëtojnë martesën. Dyshja ishte njoftuar në vitin 2002, gjatë një koncerti të bendit.
Organizata PETA, e quajti Chris-in, Mashkullin vegjetarian më seksi në botë në vitin 2005, pasi ishte një vegan për një kohë të gjatë. Megjithatë, pas ndarjes nga bashkëshortja Paltrow, ai sërish filloi të ushqehet me mish. Chris nuk është përdorues i cigares e as i alkoolit.
Martin vuan nga tringëllimat në vesh, të cilën e posedon tash e dhjetë vite, si rezultat i muzikës së lartë të cilën e dëgjon me kufje. Ai gjithashtu vuan nga pagjumësia dhe vazhdimisht sheh ëndrra të pakëndshme ku çdoherë i paraqiten para performancave duke dështuar. Për këtë, ai ka shkuar për një kohë shumë të gjatë në terapi.
Për më tepër detaje, shikojeni profilin e përgatitur nga RTV Dukagjini.
