Ushtruesja e detyrës së ministrit të Shëndetësisë, Dafina Gexha-Bunjaku, sot ka takuar përfaqësues të Asociacionit të Komunave të Kosovës, me të cilët është diskutuar për masat antiCOVID.
Drejtori i Asociacionit të Komunave të Kosovës, Sazan Ibrahimi, ka thënë për Telegrafin se në takim është diskutuar që të zgjatet orari i punës për gastronomët si dhe orë policore të ketë pas orës 24:00.
“Sektori i gastronomisë është diskutuar të punojë deri në ora 23:00, kurse orë policore të ketë nga ora 24:00. Maskat po ashtu mbesin në fuqi”, tha ai.
Ndërkaq, U.D. Ministrja e Shëndetësisë, Dafina Gexha-Bunjaku deklaroi po ashtu sot se janë duke shqyrtuar mundësitë për lehtësimin e masave.
Sot në Kosovë janë konfirmuar 16 raste të reja me coronavirus. /Telegrafi/