Nuk ka dyshim që Oriola Marashi bën pjesë në listën e modeleve më të bukura shqiptare. Ndërsa së fundmi, ajo i ka kaluar kufijtë duke u bërë pjesë brendit të popullarizuar, “Guess”.
Ajo i ka publikuar disa imazhe në rrjetet sociale që janë realizuar në sfilatën e saj për brendin e njohur amerikan.
“Gjithmonë kam ëndërruar dhe kam punuar shumë për këtë moment, dhe që të jem në gjendje ta përjetoj këtë me këtë ekip mahnitës që ka qenë një bekim në jetën time!”.
“E lumtur që jam modele Guess”, kishte shkruar më herët bukuroshja lidhur me angazhimin e saj në njërin prej brendeve më të popullarizuara në botën e modës “Guess”.
Ka qenë hera e parë që Oriola sfilon në një pistë mode e veshur me bikini, ndërsa lë përshtypjen se e ka bërë këtë për vite të tëra. /Telegrafi/