Është gjetur në Prishtinë një veturë e cila ishte në kërkim ndërkombëtar nga Interpol-i.
Policia njofton se vetura është gjetur të premten, pas kontaktit me autoritetet e një shteti tjetër.
Tutje, bëhet e ditur se vetura është gjetur e demoluar dhe pjesët e saj ishin duke u vendosur në një veturë tjetër të markës së njëjtë.
“Prishtinë 10.02.2023 – 10:25. Pas kontaktit me autoritetet e një shteti tjetër është lokalizuar një veturë e cila ishte në kërkim ndërkombëtar nga Interpol. Vetura është gjetur e demoluar dhe pjesët e saj ishin duke u vendosur në një veturë tjetër të markës së njëjtë. Prokurori ka urdhëruar që të intervistohen personat e përfshirë në rast”, thuhet në raportin policor.
Ndërsa të hënën, vetura është kthyer në gjendje të rregullt dhe e njëjta është sekuestruar deri në përfundim të procedurave për rikthim të veturës pronarit në vendin e origjinës.
Rasti është iniciuar si “Vjedhje e rëndë/gjetje e veturës”. /Telegrafi/