Klubi kryeqytetas, Prishtina ka konfirmuar tashmë edhe zyrtarisht transferimin e portierit 21-vjeçar, Agron Kolaj.
Telegrafi gjatë ditës raportoi se Prishtina ka arritur marrëveshje me Agron Kolajn, i cili në sezonin vjeshtor ishte lojtar i lirë, pas prishjes së marrëveshjes me Llapin.
Nuk ka vonuar shumë dhe faqja zyrtare e Prishtinës ka konfirmuar transferimin e 21-vjeçarit që ka bërë karrierë për disa klube në Kosovës.
““Gardiani” Agron Kolaj është përforcimi i radhës i skuadrës sonë. Portieri 21-vjeçar vjen si lojtar i lirë te Prishtina teksa në të kaluarën ka mbrojtur portën e klubeve si KF Gjakova, Dukagjin Gjakovë, Besa e Pejës dhe FC Llapi”.
“Shtatlarti ka qenë pjesë edhe e grupmoshave të reja të Përfaqësueses së Kosovës, U-19 dhe U-21”.
“Ai të mërkurën ka nënshkruar kontratë me ekipin tonë ndërkohë që për këtë fakt është shprehur shumë i lumtur”, thuhet në njoftimin e klubit. /Telegrafi/