Java e 10-të e IPKO Superligës zhvillohet në mesjavë më 17 tetor dhe ndeshja e paraparë ndërmjet Feronikelit dhe Prishtinës është shtyrë dhe zhvillohet me 7 nëntor.
Kjo pasi që Prishtina ka katër futbollistë të grumbullim me Përfaqësuese dhe tre prej tyre një ditë para këtij dueli zhvillojnë ndeshjen kualifikuese të U21 në Izrael.
Andaj Komisioni i garave ka shtyrë ndeshjen për muajin nëntor.
FC Prishtina në Përfaqësuesen “A” ka të grumbulluar trajnerin e portierëve, Ahmet Beselica dhe portierin Visar Bekaj.
Ndërsa për Kosovën U21 ka të ftuar Meriton Korenicën, Arbër Hoxhën dhe Donat Hasanaj.
Prishtina do ta zhvilloj ndeshjen e ardhshme në kuadër të javës së XI në fundjavën 20/21 tetor në shtëpi kundër KEK-ut. /Telegrafi/