Prishtina ka arritur të fitojë në udhëtim te Ballkani me rezultat 2-0 falë dy golave të Meriton Korenicës, në ndeshjen e vlefshme për javën e 24-të të Ipko Superligës së Kosovës.
Pjesa e parë e ndeshjes u karakterizua me lojë thuajse të barabartë, por me Prishtinën për një nuancë më të rrezikshme.
Rastet më të mira në këto 45 minuta i takuan Ergyn Ahmetit (23′), Marjo Morinës (36′) dhe Lorik Boshnjaku (40′), por asnjëra goditje nuk gjeten cakun.
Në pjesën e dytë, kryeqytetasit përsëri ishin më të mirë dhe rrezikuan më shumë deri sa gjeten golin.
Fillimisht ishte Morina, i cili humbi një rast të mirë nga afërsia në minutën e 59-të, ndërsa më vonë rrjetën e gjeti Meriton Korenica.
Korenica (72′) ishte brilant me një gol të bukur nga gjuajtja e lirë për 0-1, ndërsa mesfushori nga Rahoveci shënoi përsëri një gol të bukur në minutën e 87-të duke vulosure fitoren me rezultat përfundimtar 0-2.
Pas kësaj fitore, bardhekaltrit kanë 53 pikë në vendin e dytë apo dy më pak se lideri Feronikeli, ndërsa Ballkani renditet i teti me 29 pikë.
Në ndeshjen e radhës, Prishtina e pret në shtëpi Lirinë, ndërsa Ballkani udhëton te Feronikeli. /Telegrafi/