Mesa duket miqësia mes dy banorëve të BBVA, Julit dhe Gazit, është krisur.
Gjatë spektaklit të sotëm Gazi u shpreh: “Ne jemi në këtë pikë sepse Julin e ka kapur deliri i madhështisë. Gjithë darkës më thoshte sa lart ishte ky, dhe sa poshtë isha unë. Është debat i vërtetë. Unë në shoqëri nuk e shoh këtë gjë, nëse shoqëria shihet me këtë lloj diference, unë nuk bëj shoqëri. Shokët e mi i kam pasur prej shumë vitesh. Ndihem i tradhtuar, sepse e kam pyetur dhe ky më shmanget.”
Ndërsa Juli nuk pranon që ta ketë bërë një gjë të tillë dhe shprehet: “Ajo biseda që pamë në fillim ishte vetëm mes meje dhe Gazit. Pjesa që e kam pyetur se si ndihej në shtëpi, ishte mes meje dhe Gazit. Po të doja ta ulja, do e bëja mes gjithë banorëve. Pasi u prish muhabeti, sigurisht e bëra para banorëve.”
Më tutje ai tha: “E pyeta se e ndien veten në raport me atë që na vjen nga jashtë. Ia kam thënë si shok, ky nuk e ka marrë të tillë por nuk e ka problem. Nëse Gazit, i është prishur qejfi, kam bërë unë gabime si shok, nëse më ka konsideruar të tillë, unë do e bëja bisedë me shokun njëherë, pastaj me të tjerët.”
“Unë nuk e kam cilësuar asnjëherë si finalist. Nuk është kusht të krijosh miqësi me dikë që është i fortë. Unë e kisha qejf, na shkotne muhabeti prandaj krijova miqësi me të.” – tha Juli. /Telegrafi/
