Kamera e vendosur në një veturë, ka filmuar një aksident të pazakontë trafiku në rrugët e një qytetit të Indisë.
Në video shfaqet momenti kur prindërit që ishin së bashku me foshnjën e tyre duke udhëtuar me një motoçikletë, rrëzohen në tokë kurse motoçikleta vazhdon “rrugëtimin” edhe për disa qindra metra së bashku me foshnjën që ishte në të, transmeton Telegrafi.
Megjithatë edhe foshnja rrëzohet kur motoçikleta përplaset në trotuar dhe ai fluturon në një zonë të gjelbëruar. Por, është mrekulli që para se të përplasej nuk godet një kamion që lëvizte përpara.
Ndërkaq, shoferët e veturave tjera që ishin dëshmitarë të këtij aksidenti, vrapojnë për ta marrë foshnjën që për fat të mirë i shpëtoi më të keqes, me vetëm disa mavijosje në fytyrë. /Telegrafi/
